Кездесуді Ирландия Парламентінің қолдауымен ЕҚЫҰ ДИАҚБ ұйымдастырып отыр. Кездесуге Ирландия Парламенті палаталарының депутаттары, оның ішінде Мүгедектік мәселелері жөніндегі комитеттің төрағасы қатысты. Мүгедектігі бар адамдардың құқықтары мәселелерін даму және халықаралық қатынастар саясатына енгізу, сондай-ақ ЕҚЫҰ елдері Парламенттерінің инклюзияны бағалау әдістемесі және мүгедектігі бар адамдардың саяси іске қатысуын ілгерілету жөнінде Парламенттерге арналған оқу курсын әзірлеу жайы талқыланды.
Сенатор Қалтаева өз кезегінде Қазақстанның сайлау құқықтарын іске асыру жөнінде мүгедектігі бар адамдардың тең мүмкіндіктерін қамтамасыз ету саласындағы заңнаманы жетілдіру тәжірибесі туралы айтып берді. Ол осыған байланысты сайлау учаскелерінің қолжетімділігін қамтамасыз ету, әйелдерге, жастарға және мүгедектігі бар адамдарға 30 пайыз квота енгізу туралы кездесуге қатысушыларды хабардар етті. Ол сондай-ақ «Сайлау туралы» және «Саяси партиялар туралы» заңдарға өзгерістер енгізілгеннен кейін Парламент Мәжілісіне – 6, ал барлық деңгейдегі мәслихаттарға 71 мүгедектігі бар депутат сайланғаны туралы ақпарат берді.
«Бұл деректер, саяси реформалар барлық азаматтардың, соның ішінде мүгедектігі бар жандардың құқықтарына әсер еткенін көрсетеді. Сенатта мүгедектігі бар отандастарымыздың өзекті мәселелерін талқылау, заңнамалық деңгейде шешімдер әзірлеу және олардың орындалуын бақылау алаңы болып табылатын Инклюзия жөніндегі кеңес құрылды», деп атап өтті Ләззат Қалтаева.
