Жоғарыдағы жоспарды жүзеге асыру үшін олар қазірден бастап қамданып, өз қатарын шебер футболшылармен толықтырып жатыр. Солардың бірі – бразилиялық Элдер Сантана. Санта-Паулу штатына қарасты Вера-Крус қаласының тумасы 30 жаста. Амплуасы – шабуылшы. Әр жылдары ол өз елінің «Атлетико Минейро», «Тупи», «Ферровиарию», «Сампайо Корреа», «Брагантино», «Атлетико Гойяньенсе», «Ботафого», «Сертаозиньо» және Португалияның «Санжуаненсе», «Жил Висенте» клубтарында ойнады. 2022/2023 жылғы маусымда «Ақтөбенің» намысын қорғады. «Атлетико Минейроның» сапында Сантана 2013 жылы Либертадорес кубогін жеңіп алса, 2017 жылы Минас-Жейрас штатының чемпионы атанды.
