фото: orda.kz
Өңір басшысы бірден төрт баласынан айырылған отбасына барлық қажетті қолдау көрсетілгенін айтты. Енді оларға жаңа баспана беруді уәде етті.
«Қайғылы оқиғадан кейін отбасының қасында аудан әкімі, менің бірінші орынбасарым болды. Зардап шеккендерге барлық қажетті көмек көрсетілді. Олар тұрмыстық техника, жиһаздармен жабдықталған екі бөлмелі пәтерге уақытша орналастырылды. Желтоқсан айында біз оларға Өскеменнен екі бөлмелі пәтер береміз, өйткені олар сонда тіркелген», деді әкім Орталық коммуникациялар қызметінде өткен баспасөз мәслихатында.
Естеріңізге сала кетейік, 25 қазан күні Аягөз ауылындағы үйлердің бірінде болған өрт кезінде сегіз бен екі жас аралығындағы төрт бала көмірқышқыл газына уланып қайтыс болған еді.
