фото: ашық дереккөзден
Қазақстан мұсылмандары діни басқармасы желіде желдей жылдамдықпен тарап, жұртшылықтың қызу талқысына түскен бұл ақпаратты жоққа шығарды. Басқарма әлеуметтік желідегі парақшасында қазақстандықтарды жалған ақпараттың жетегіне ермеуге шақырды.
«Әлеуметтік желіде «Қазақстандағы медреселерде 12 жастағы қыздарды жыныстық қарым-қатынасқа итермелеуде» деген мазмұнда пікір таралуда. Қазақстан мұсылмандары діни басқармасы (ҚМДБ) бұл жалған ақпарат екенін мәлімдейді. ҚМДБ-ға қарасты медресе-колледждер тек 15 жасқа толған қыздарды ғана оқуға қабылдайтынын мәлімдейміз. Мұндай жалған ақпаратқа сенбеуге шақырамыз және халықты білместікпен теріс ақпарат таратпауға үндейміз», делінген ҚМДБ-ның әлеуметтік желіде таратқан хабарламасында.
