Хоккей • 28 Қараша, 2023

«Витязь» оңдырмады

104 рет
көрсетілді
1 мин
оқу үшін

Өткен аптада Нижнекамскінің «Неф-т­ехимигін» овертаймда 4:3 есе­бімен жеңіп, жергілікті көрермендердің көңілін сәл болса да серпіл­тіп тастаған «Ба­рыс» келесі турда қайта таз қал­пына түсті.

«Витязь» оңдырмады

Дүйсенбіде Подольскінің «Витязь» клубын қабылдады. Бәсеке басталған бетте Кирилл Савицкий әдемі гол соғып, айдын иелерін алға шығарғанда кәдімгідей шаттанып, ала­қанымызды ысқылап отырған едік. Бірақ бұл қуанышымыз көп ұзамай су сепкендей басылды. Одан кейін ойын қонақтардың айқын басымдығымен өтті. «Витязьдің» ойыншылары «Барыстың» қақпасын бес рет дәл көздеді. Бұл голдардың авторлары – Иван Савчик (4-минут), Дерек Барак (11-минут), Александр Дарьин (27-минут), Скотт Уилсон (47-минут) және Александр Яремчук (48-минут). Тек кездесу аяқталар тұста Арка­дий Шестаков есеп айырмашылығын қысқартты – 2:5.

Сөйтіп, Құрлықтық хоккей лигасында (ҚХЛ) күллі Қазақстанның намысын қорғап жүрген жалғыз клубымыздың жағдайы күн өткен сайын нашарлап барады. Қазіргі кезде жерлестеріміз артынан санағанда екінші орында келеді.