Ауа райы • 01 Желтоқсан, 2023

Алдағы үш күнде елімізде бұрқасын мен аяз күтіледі

211 рет
көрсетілді
1 мин
оқу үшін

Алдағы күндері белсенді Атлантикалық циклон жырасымен және онымен байланысты атмосфералық фронтальды бөлімдердің әсерінен Қазақстанның басым бөлігінде қар мен жаңбыр күтіледі, деп хабарлайды Egemen.kz «Қазгидромет» РМК-ға сілтеме жасап. 

Алдағы үш күнде елімізде бұрқасын мен аяз күтіледі

«3 желтоқсанда солтүстік-батыста және солтүстікте, 3-4 желтоқсанда шығыста, 4 желтоқсанда еліміздің оңтүстік-шығысындағы таулы аудандарда қатты жауын-шашын күтіледі. Жауын-шашынмен қатар республиканың солтүстік жартысында көктайғақ құбылыстары мен бұрқасын болады деп күтіледі. Республика бойынша тұман, жел 15-29 м/с, еліміздің солтүстік-батысында және солтүстігінде екпіні кей уақыттарда 30 м/с және одан аса күтіледі», делінген хабарламада. 

Сонымен қатар 4 желтоқсаннан бастап солтүстік-батыс антициклонының жотасымен суық ауа массаларының енуі күтіледі, бұл Қазақстанның басым бөлігінде ауа температурасының күрт төмендеуіне әкеледі.

Солтүстік-батыс және солтүстікте түнгі сағаттарда 7-21 градус аязға дейін, ал республиканың орталығы мен шығысында 5-15 градус аязға дейін төмендеуі күтіледі. Оңтүстік өңірлерде 0-5 градус аязға дейін шамалы төмендеуі болжанады.