Спорт • 04 Желтоқсан, 2023

Бразилия бас көтертпеді

121 рет
көрсетілді
1 мин
оқу үшін

Әйелдер арасындағы әлем чемпио­на­ты­ның топтық турнирін еліміздің қол добы шеберлері Дания­ның Фре­де­риксхавн қаласында өткізіп жатыр.

Бразилия бас көтертпеді

Алғашқы кездесуде Испаниядан 14:34 есебімен ойсырай ұтылған жерлестеріміз келесі матчта Бразилиямен күш сынасты. Оңтүстік Америка өкілдерінің спорттың бұл түрінде бағындырған белестері бір төбе. Олар осыдан 10 жыл бұрын Сербияда барлық қарсыласын жолынан ығыстырып, әлем чемпионы атанды. 1987-2019 жылдар аралығында алауы тұтанған тоғыз Панамерика ойындарының жетеуінде дәл осы мемлекеттің гандболшылары бас жүл­дені олжалады. Оңтүстік Америкадан келген бұрымдылар «Солтүстік Аренада» өткен кездесуде жерлестерімізге мүлдем бас көтерт­педі. Олар 46 допты қақпамызға тоғытса, біз 16 рет қана мергендік таныттық. Есеп – 16:46.

Кеше кешкісін жерлестеріміз Украинаға қарсы ойнады.