Ерлерге қарағанда біздің қыздар әлдеқайда табысты өнер көрсетіп тұр. Әйелдердің рейтингінде Бибісара Асаубаев мен Жансая Әбдімәлік қатар тұр. Олар 16 мен 17-орындарды өзара бөліскен. Бибісара – 2 472 және Жансая 2 468 ұпайдан еншілеген. Динара Сәдуақасова (2 435) 35-орынды иеленсе, Меруерт Камалидинова (2 383) 70-сатыға жайғасты. Ал қытайлық Хоу Ифань (2 632) жеке-дара бастап тұр. Екінші орында оның отандасы – Цзюй Вэнцзюнь (2 560). Үндістандық Конеру Хампи (2 554), ресейлік Александра Горячкина (2 553) және Қытай елінің тағы бір өкілі Лэй Тинцзе (2 550) – озық бестіктің қатарында.
20 жасқа дейінгі шахматшылар арасында Бибісара Асаубаева алдына жан салар емес. Ол 2 472 ұпайды олжалап отыр. Одан кейінгі орындарда – Велпула Сараю (Үндістан, 2 444), Нұргүл Салимова (Болгария, 2 426), Лея Гарифуллина (Ресей, 2 423) және Дивья Дешмух (Үндістан, 2 420). Сонымен қатар біздің Бибісара рапидпен (әйелдер) және блицтен (U-20) әлемдік рейтингте бірінші орында тұр.
