Жоба • 06 Желтоқсан, 2023

Сала жобалары талқыланды

128 рет
көрсетілді
2 мин
оқу үшін

Сыр өңіріне іссапармен келген Көлік министрі Марат Қарабаев облыстағы жол-көлік инфрақұрылымы нысандарымен танысып, жұртшылықпен жүздесті. Министр мен тұрғындар кездесуінде саладағы жобалар талқыланды.

Сала жобалары талқыланды

Саладағы құрылымдар мен ұйымдар өкілдері, қоғам бел­сен­ділері қатысқан кездесуде ресми реңк сезілген жоқ, есесіне елге қажетті ұсыныс-пікірлер баса айтылды. Қазір ел ара­сын­да талқыға түсіп жүрген «Бейнеу-Шалқар» автожолы жайлы ұсыныс білдірген об­лыс­тық қоғамдық кеңес мүшесі Болат Нұрқожаев қоғамдық тыңдауларда жұртшылық бұл жолды Сексеуіл арқылы салуды сұрап отырғанын айтып, оның тиімділігіне түрлі дәлелдер келтірді. Бұл мәселені Арал ауданынан келген азаматтар да кө­терді.

Облыстық ардагерлер кеңе­сі төрағасының орынбасары Өмірбек Шәменовтің пікірінше, жер­гілікті жол саласындағы ком­­­паниялардың жұмысы сапа жа­­ғынан шетелдік әріп­тес­те­рі­нен кем түспейді. Техни­ка­мен қамтылуы жағынан да кем­шін түсіп жатқан тұсы жоқ. «Аймақ үшін маңызды жоба – «Батыс Еуропа-Батыс Қытай» автодәлізінің Қызылорда мен Ақтөбе аралығын 4 жолақтыға кеңейту барысында осы мәселе ескерілуі керек», деді ардагер.

– Осы жол 2010 жылы бастал­ған­да да қосалқы мердігер ретінде жергілікті компаниялар жұмыс істеді. Қазіргі жол сапасы олардың өз жұмысын жақсы меңгергендігін көрсетеді, – деді Өмірбек Шәменов.

Министрдің айтуынша, Қы­зылорда мен Ақтөбе ара­лы­ғын­дағы автожолды 4 жолақ­ты­ға кеңейту келер жылы бас­талады. Қазір Ақтөбе облысы аумағындағы жұмыстар жобасы әзірленіп қойған. Жалпы алдағы 5 жылда елімізде 8 мың шақырым республикалық жол қайта жаң­ғыр­тудан өтпек. Министр осы күні отандық жол ком­па­ния­­ларының мұндай ауқым­ды жо­балардан қалыс қал­мауы қада­ға­ланып отырғанын айтты.

Кездесуде «Қызылорда-Жез­қазған» автожолы жобасы жай­лы да сөз болды. Әсіресе Қызыл­орда облысы аумағында қайта жаң­ғырту жұмыстары қар­қынды жүріп жатыр. Келер жылы жолдың біраз бөлігі пай­далануға берілмек.

– Бүгінгі кездесуде ел сұрауы­на орай «Бейнеу-Шалқар» жобасын біраз талқыладық. Көп ұсыныс айтылды. Осыған байланысты келер жыл басында тағы да қосымша қоғамдық кеңес өткі­зуге келістік, – деді Көлік министрі Марат Қарабаев БАҚ өкілдеріне арналған брифингте.

 

ҚЫЗЫЛОРДА