Әскер • 07 Желтоқсан, 2023

Әскерилердің біліктілік жиыны

152 рет
көрсетілді
2 мин
оқу үшін

Әскери қызметшілер кәсіби біліктілігін шыңдады. Атырау гарнизоны басқармасы Ақтаудағы теңіз жаяу әскерлері бригадасы базасындағы оқу-әдістемелік жиындарға қатысты.

Әскерилердің біліктілік жиыны

Елдегі Қарулы Күштердің қуаты Отан алдындағы борышын­ өтеген барлық санаттағы әскери қызметшілердің қарым-қабілеті, білім-білігімен өлше­неді. Сон­дық­тан сапта іркілмеу үшін жоспарлы жауынгерлік әзір­­лік маңызды. Осы орайда Ақтау­да өткен кезекті жат­ты­ғуға әскери бөлімдер коман­дир­лері мен орынбасарлары, батальон командирлері мен бөлім­ше­лер­дің сержанттары түгел қатысты.

«Мұндай жиындардың мақсаты – әскери бөлімдердің басқарма құрамының жауын­герлік және жедел даярлық іс-шараларын, әскерлер қызметін ұйымдастырудағы, құрамалар мен бөлімдерді жан-жақты қамтамасыз етудегі әдістеме­лік дағдыларын жетілдіру. Бағ­­дар­лама жаңа формалар мен жұмыс әдістерін үйретуге бағытталған әртүрлі форматтағы іс-шара­ларды қамтыды. Жиын барысында әскери бөлімдер командирлерінің баяндамалары тыңдалды. Бұдан бөлек, сала­­дағы өзекті мәселелер мен оларды шешу жолдары жан-жақты талқыланды», деді «Батыс» өңірлік қолбас­шы­лығы әскер­ле­рі­нің қол­бас­шысы, генерал-майор Дәулет Оспанов.

Бұл басқосудың ерекшелігі – Ұлттық ұлан әскери қызмет­шіле­рінің қатысуы болды. Іс-шарада екі саланың өкіл­де­рі жауынгерлік және денешы­нық­тыру дайындығын ұйым­дас­тыру, әскери тәртіпті сақтау, кезек­шілік және қарауыл қыз­ме­ті­н­ атқару ережелері бойынша өз тәжірибелерімен бөлісті.

«Кезекті оқу-әдістемелік жиын көздеген меже үдесінен шық­ты. Ұлттық ұланның әскери қызметшілерімен тәжі­ри­бе алмасу ерекше әсер етті. Олардың қызметі – маңызды нысандарды үнемі қырағы күзету әрі кезекшілікте болу. Ал біз – жауынгерлік және дене­шы­нықтыру дайындығын қада­ға­лаймыз. Егер мұндай іс-шараларды ұйымдастыруда басқа күш құрылымдарымен өзара іс-қимыл жасасақ, отан­дық Қарулы Күштер жасағы барлық қызметтік бағыт бо­йынша деңгейді көтеретініне сенімдімін», деді 25744 әскери бөлім штабының басшысы, майор­ Сапаралы Қазақбаев.

Жиын соңында «Батыс» өңір­лік қолбасшылығы қысқы оқу кезеңінің қорытындысында Қару­лы Күштердің Құрлық әскер­лері арасында үздік деп таныл­ды. Жауынгерлерге Маң­ғыстау облысының әкімі Нұр­лан­ Ноғаев ерекше ілтипат білдірді.