Аталған бәсекеде алғашқы голды даниялықтар соқты. Бұл есеп ұзаққа дейін сақталды. Одан кейін Қазақстанның ойыншылары үздіксіз шабуылдағанымен, жарты сағаттан аса уақыт бойы қарсыластар қақпасының кілтін таба алмады. Десек те өздерінің табандылығы мен жанкештілігінің арқасында біздің жігіттер көздеген мақсатына қол жеткізді. Үшінші кезең басталған бетте Бейбарыс Оразов таразы басын теңестірсе, көзді ашып-жұмғанша Дания құрамасы қайта алға шықты. Бірақ олардың бұл қуанышы ұзаққа созылмады. 49 және 57-минуттарда Кирилл Ляпунов пен Руслан Оспанов екі рет нысананы дәл көздеді – 3:2.
Ертең Санкт-Петербургте «Бірінші арна кубогі» басталады. Алғашқы кездесуде Қазақстанның ұлттық құрамасы Беларусьпен күш сынасады. 16 желтоқсанда Жоғары хоккей лигасының (ЖХЛ) «жұлдыздарымен» шеберлік байқасады. Соңғы ойында Ресей хоккейшілерімен кездеседі.
