Инвестиция • 15 Желтоқсан, 2023

Қанатқақты жобаға қатысады

87 рет
көрсетілді
3 мин
оқу үшін

Премьер-министрдің орынбасары Серік Жұманғарин Аустралияға жасаған жұмыс сапарын қорытындылады. Оған сол жаққа жұмыс барысымен сапарлап келген мал шаруашылығы қожалықтарының басшылары қатысты. Аграрлық салада өзіндік орны бар бес компанияның өкілдері – «Олжа Агро» ЖШС, «Терра» ЖШС компаниялар тобы, «Қарасу-Астық» ЖШС, «Қайып ата» ЖШС, «Қайыңды» ЖШС аустралиялық заманауи технологияларды ескере отырып, қолданыстағы өндіріс орындарын салу және жаңғырту бойынша қанатқақты жобаға қатысуға шешім қабылдады.

Қанатқақты жобаға қатысады

Инвестициялық жобалар мал ша­руа­шылығын ауқымды дамытудың кең спектрін қамтиды: 2,5 мың мал басына арналған асыл тұқымды мал шаруа­шы­лығын, 5 мың басқа арналған мал бор­дақылау алаңын құру және қайта өңдеу («Олжа Агро» ЖШС, Қостанай облысы), 100 мың басқа арналған мега ірі бор­дақылау алаңын салу, 1,2 гектар жерді суару («Терра» ЖШС, Батыс Қазақстан облысы), ет комбинатын жаңғырту және биогаз, электр энергиясы, тыңайтқыштар өндіру бойынша жасыл технологияларды енгізу («Қарасу Астық» ЖШС, Қостанай облысы), мал азығы дақылдарын өсіру, өндіру, мал биржасын және қалдықтар­ды терең өңдейтін ет комбинатын салу («Қайып ата» ЖШС, Түркістан облысы) Жетісуда жаңа мал бордақылау алаңдарын салу және қолданыстағы бордақылау алаң­дарын кеңейту («Қайыңды» ЖШС).

Қанатқақты жобаның бірінші кезеңін­де ауыл шаруашылығы мен қатысушы нысандардың жай-күйіне егжей-тегжей талдау және аудит жүргізу, яғни қолда бар ресурстарды, ағымдағы қызметті, даму жоспарларын бағалау және олардың әрбір кәсіпорын үшін қаншалықты тиімді екенін анықтау көзделеді. Бұл мәселеде отандық фермерлерге халықаралық мамандар тобы көмектеседі.

Екінші кезеңде әрбір жобаны да­мы­тудың қаржылық моделі мен бизнес-жос­парын әзірлейді. Ал үшінші кезеңде оны жүзеге асыруға кіріседі. Қанатқақты жобаға қатысушылардың кейбірінің аустралиялық технологиялармен жұмыс істеу тәжірибесі бар екенін ескере отырып, нысандардың құрылысын 2024 жылдың көктемінде бастау жоспарланып отыр.

Қазіргі таңда Ауыл шаруашылығы ми­нистрлігі етті мал шаруашылығын дамыту­дың үшжылдық кезеңіне арналған жол картасын әзірлеп жатыр. Құжатта мал басының орташа тәуліктік салмағын арт­тыруға және жоғары салмақ стандарттарына қол жеткізу мерзімін қысқартуға ықпал ететін заманауи технологияларды қолдану негізінде қазіргі заманғы экс­портқа бағытталған ет комбинаттары мен ірі қара мал өсіруге арналған бор­да­қы­лау алаңдарын құру жөніндегі шараларды енгізу жоспарланып отыр.

Отандық кәсіпорындар базасында мал шаруашылығын жүргізудің аустралиялық әдісін енгізу бойынша қанатқақты жоба – аталған құжаттың бір тармағы.