Аймақтар • 20 Желтоқсан, 2023

Сексен отбасы қуанышы

102 рет
көрсетілді
1 мин
оқу үшін

Сырдария ауданында 80 отбасына жаңа баспана кілті табыс етілді. Осы ауданға жасаған сапары аясында қуанышқа кенелген тұрғындармен кездескен облыс әкімі Нұрлыбек Нәлібаев қолжетімді баспана – Мемлекет басшысының тапсырмасымен Үкімет пен облыс әкімдігі тарапынан жүзеге асырылатын басты стратегиялық жоспарлардың бірі екенін атап өтті.

Сексен отбасы қуанышы

– Жыл сайын аймақта қол­данысқа берілген тұрғын үй кө­лемі артып келеді. Биыл 4170 пәтерлік 300 тұрғын үйдің құры­лысы жүргізіліп, оның ішінде 2500-ге жуық пәтер өз иелеріне табысталды. Осылайша, 11 мың­­нан аса жерлесіміз жайлы үйге қоныс тепті. Халықтың әлеу­­меттік осал топтары үшін 1000-нан аса пәтер сатып алынуда. Бұған дейін Арал, Қазалы, Жаңақорған, Шиелі, Жалағаш аудандарында 300-ден аса отбасы баспана қуанышына кенелсе, бүгін Сырдарияда 80 үйелмен қоныс тойын тойлайды, – деді аймақ басшысы.

Кентте бой көтерген 40 үй­дің әрқайсысында 2 пәтерден бар. Құрылысы биыл мамыр айында басталған үйлердегі әр пәтердің жалпы алаңы 65 шаршы метр болады. Осы жылы Сырдария ауданының бюд­жеті 11 млрд теңгеден асып, аудандағы кезек күттірмейтін түйт­­кілдерді шешуге, тұр­ғын­дарының өмір сүру сапа­сын арттыруға бағытталған қаржы көлемі ұлғайды. Аудан­дағы 72 шақырым жолды жөн­деуге 3,4 млрд теңге бөлінді. 

Облыс елді мекендерін газдандыру бағытындағы жұ­мыстар қала іргесіндегі бұл аудан­да да жалғасып жатыр. Көп ұзамай «көгілдір отын» игілі­гін көре бастайтын елді мекендер қатарында аудандағы Сәкен Сейфуллин және Асқар Тоқмағамбетов ауылдық округ­тері тұр.

 

Қызылорда 

Соңғы жаңалықтар

Нағыз ғалым еді...

Тұлға • 13 Шілде, 2024

Аурухана жағдайымен танысты

Саясат • 13 Шілде, 2024

Әскерилерді әлеуметтік қолдау

Саясат • 13 Шілде, 2024

Базалық мөлшерлеме төмендетілді

Экономика • 13 Шілде, 2024

Көршінің наны

Қоғам • 13 Шілде, 2024