Күні кеше ғана Президент стипендиясының иегері атанып, Жаңа жыл қарсаңында бір марқайып қалдым. Жалпы, бұл марапаттың бәрі өнерді қолдау деп білемін. Өнерде еңбектеніп жүрген барша азаматтарға қолдау көрсетіліп жатқаны қазақы дәстүрдің тамаша бір көрінісі. Мемлекет басшысы Қасым-Жомарт Тоқаевтың тура Жаңа жыл қарсаңында өнер адамдарының мерейін асырып отырғаны шығармашылыққа деген ерек көзқарасын көрсетеді. Жаңа жылда мәдениет саласындағы барлық мақсат пен жоспар орындалсын деп тілейміз. Қазақ өнері әрқашан асқақтай берсін. Келген жыл ұлттың руханияты мен мәдениетіне орасан жетістіктер алып келсін. Еліміздің болашағы даңғыл, экономикасы мығым, өнері озық болсын.
Байтұрсын Өмірбеков,
суретші,
Қазақстанның еңбек сіңірген қайраткері
