Пікір • 03 Қаңтар, 2024

Толғақты мәселенің түйінін тарқатты

123 рет
көрсетілді
3 мин
оқу үшін

Мемлекет басшысы Қасым-Жомарт Тоқаевтың жыл басында «Еgemen Qazaqstan» газетіне берген сұхбатында барша қоғамның көкейінде жүрген небір түйткілді мәселенің түйіні тарқатылды.

Толғақты мәселенің түйінін тарқатты

Президент 2023 жылдың еліміз үшін маңызды оқиғаларға толы болғанын атай отырып, негізгі саяси реформалардың аяқталып қалғандығын, оның ішінде, әсіресе Конституциялық соттың жұмы­сын бастағанын, сол сияқты Мәжіліс пен бар­лық деңгейдегі мәслихат депу­тат­тары­ның жаңа ереже бойынша сайлан­ған­­дығын, сондай-ақ алғаш рет аудан және облыстық маңызы бар қала әкімдерінің және ауыл мен аудан­дық маңызы бар қала әкімдерін сайлау­дың жалғас­қандығын тілге тиек етті.

Қ.Тоқаев мемлекетіміздің әділ және бәсекелі экономика жүйесін құру, экономиканы әр­та­раптандыру және монополиядан арылу, инфрақұрылымды жаңғырту, бизнесті қолдау, инвестиция тарту жұмыстарымен мықтап айналыса бастағанын, сонымен қатар әлеуметтік салада қордаланып қалған мәсе­лелердің біртіндеп шешіле бастағанын алға тартты. Бұл айтылғандардың дәлелі ретінде еліміздің түкпір-түкпірінде білім ошақтары, оның ішінде, «жайлы мектептер» бой көтеру­де екенін, сондай-ақ ауыл­дар­да денсаулық сақтау нысан­дары­ның да салынып жат­қан­дығын және әлеуметтік тұр­ғы­дан осал топтағы азамат­тарға кешенді түр­­де қолдау көрсетуге бағыт­талған Әлеу­мет­тік кодекстің қабылданғандығын атап өтті.

Мемлекет басшысы ұлттық мүддені ескере отырып, сындарлы әрі салиқалы сыртқы саясатымыздың жалғасатынына екпін беріп, 2024 жылы еліміздің бірне­ше беделді халықаралық ұйымға, атап айт­­қанда, Шанхай ынтымақтастық ұйы­мы­на, Ұжымдық қауіпсіздік туралы шарт ұйы­мына, Азиядағы өзара іс-қимыл және сенім шаралары жөніндегі кеңеске, Түркі мем­лекеттері ұйымына, Аралды құт­қару халық­аралық қорына, Азық-түлік қауіп­сіздігі жөніндегі ислам ұйымына төрағалық ететінін мәлім етті.

Президент қасіретті Қаңтар оқиғасын  былайша сипаттайды: «Мен бұл туралы көп ой­ландым, әлі де жиі ойланамын. Меніңше, қасіретті Қаңтар оқиғасына жылдар бойы қорда­ланған әлеуметтік-эконо-микалық проблемалар, жалпы тоқыраудың билік пен қоғамды аздырып-тоздыруы себеп болды. Қаскөйлердің мемлекет­тік төңкеріс жасамақ болған жоспарын жүзеге асыру үшін экстремистер, қылмыстық топтар және әсіре діншіл­дер бірге қимыл­дады. Олардың мақ­саты ел ішіне үрей туғызу, мемлекеттік инсти­туттардың қызметін тұра­лату, конститу­циялық құры­лымның іргесін шайқау, ақыр соңында билікті басып алу еді».

Мемлекет басшысы және бір шын­дықты, өзінің 2019 жы­лы Прези­дент лауазымы­на сай­ланғаннан кейін елі­міз­­дегі күрделі билік жүйе­сінің қалып­­тас­­қандығын бүкпесіз ашып айт­ты: «Бәзбі­реу­лер қосар­ланған билік жүйе­сін орна­туға талпынғаны, тіпті мұндай әре­кет­терді әдейі әрі мұқият ұйымдас­тырғаны рас. «Билік транзиті» кезіндегі ахуал­­ды саясаттағы айлакерлер өз мүддесіне пайдаланып, қо­самжарланған билік орталығын құруға тырысты... Қалай десек те, мемлекетте үлкен және кіші президент деген болмауы керек деп санаймын», деді.

Жалпы, бұл сұхбатта көте­ріл­ген мәселелердің бәрі де еліміздің тұрақты дамуы үшін өте маңызды. 

 

Әділ АХМЕТ,

Төтенше және өкілетті елші, профессор 

Соңғы жаңалықтар

Нағыз ғалым еді...

Тұлға • 13 Шілде, 2024

Аурухана жағдайымен танысты

Саясат • 13 Шілде, 2024

Әскерилерді әлеуметтік қолдау

Саясат • 13 Шілде, 2024

Базалық мөлшерлеме төмендетілді

Экономика • 13 Шілде, 2024

Көршінің наны

Қоғам • 13 Шілде, 2024