Фото: gov.kz
Көрменің ашылуында Қарулы күштер Ұлттық әскери-патриоттық орталығы Алматы филиалының эстрадалық-би тобы өнер көрсетті. Сұңқар Әлимұса Нұрлан Нұртазиннің «Сағадат» әнін орындады.
«Тақырыптық тұрғыдан көрме материалдарын соғысқа дейінгі, екінші дүниежүзілік соғысы жылдарындағы және тәуелсіз Қазақстанның Қарулы күштерін құрудағы тұңғыш Қорғаныс министрінің рөлін көрсететін үш кезеңге бөлдік», деді аталған музей бастығы Ләззат Әлжан.
Көрмеге тарихи фотосуреттер, Кеңес Одағының Батыры атағын беру туралы Жарлықтың, Алтын жұлдыздың көшірмелері және фуражка, белдік, кобура, гимнастерка, шинель, былғары қолғап, етік, генерал погондары секілді Сағадат Нұрмағамбетовтың жеке заттары қойылған. Бір қызығы, жәдігерлер арасында оның жақындары біле бермейтін сирек фотосуреттер де кездеседі.
Алматы қаласындағы көрме 31 қаңтарға дейін жалғасады. Сосын бұл құнды жәдігерлер еліміздің өзге де 10 қаласын аралайды.
