ФОТО: kz.kursiv.media
Жолаушыларға ұсынылатын бұл қызмет автобус, әуе және теміржол билеттерін бір бағыт бойынша сатып алуға мүмкіндік береді. Осылайша, азаматтар өздеріне ыңғайлы бағытты таңдап, билет іздеуге жұмсайтын уақыттарын үнемдейді. Сондай-ақ қызмет арқылы еліміздің барлық қаласы бойынша саяхаттау мүмкіндіктері кеңейеді. Қанатқақты жоба (пойыз+ұшақ) «Қостанай-Астана-Шымкент» бағытында және кері бағытта сынақ түрінде өткізіледі.
«Қостанай-Астана-Шымкент»(пойыз+ұшақ) бағыты бойынша тақ күндерде жол жүру кестесі:
- Қостанай стансасынан №81 «Қостанай-Астана» пойызы Астана қаласына жөнелтіледі;
- «Нұрлы Жол» вокзалының №2 келу залының шығаберісінде трансфер Астана қаласының халықаралық әуежайына жөнелтіледі;
- Астана әуежайынан DV 772 «Астана-Шымкент» рейсі Шымкент қаласына ұшады.
«Шымкент-Астана-Қостанай»(ұшақ+пойыз) бағыты бойынша тақ күндерде жол жүру кестесі:
- Шымкент қаласының әуежайынан DV 771 «Шымкент-Астана» рейсі Астанаға қонады;
- Астана қаласы әуежайының №2 терминалының бірінші тұрақ желісінен «Нұрлы Жол» вокзалына дейін трансфер жөнелтіледі;
- «Нұрлы Жол» стансасынан №47 «Астана-Атырау» пойызы Қостанайға жөнелтіледі.
Қанатқақты бұл жоба 28 ақпанда аяқталады.
Жолаушылар әуе билеттерін scat.kz сайтынан, ал темір жол билеттерін bilet.railways.kz сайтынан қарай алады. Одан бөлек, қажетті мекенжайды таңдап, uvu.kz/ktz сайты арқылы трансферге тапсырыс беруге болады.
