Фото: amanatpartiasy.kz
«Біз бұл мәселені «Аmanat» партиясының сайлауалды бағдарламасының шеңберінде көтердік. Келешекте ауылға баратын жас дәрігерлерге ауылға баруды ынталандыру үшін бір реттік көтермеақы беріледі деген уәде берген едік. Біз заң жобасын қабылдап, уәдемізді орындадық. Бұдан былай ауылға барған жас дәрігер бір реттік көтермеақы алатын болады. Оған қосымша «Дипломмен ауылға» бағдарламасы арқылы төмен пайызбен несие алады. Ауылдағы медицинаны дамытып, жас дәрігерлерді қолдау үшін осыны жүзеге асырып отырмыз», деді А.Аймағамбетов.
