- Әуелден өнер адамы екенім бәріңізге аян. Бірақ, өмірдің бұралаң жолы мені саясат сахнасына алып келді. Бүгінде әр күнім кешегі көрерменді сағынумен өтеді. Кейінгі он айда есіме түсетін бақытты сәттерім аса көп емес, - деді ақын.
Ол сондай сәттердің ең тәттісі – осыдан екі жыл бұрын өткен шығармашылық кеші екенін атап өтті. Содан бері қарбалас жұмыстардан уақыт үнемдеп, көпшілікпен тағы бір жүздесудің ретін келтіруге барын салып жатқанын да жеткіздді.
- Шүкір. Оның да орайы келген сияқты.
Сонымен, ақпан айының 10-ы күні, Алматыда. Республика сарайы. Сағат 19:00-де өздеріңізді «Абайлаңыздар» атты музыкалық кешке шақырамын.
Кеш түгелдей жанды дауыста өтеді. Өздеріңізге танылған әндерді Қазақ сахнасының жұлдыздары: Мейрамбек Беспаев, Ғаділбек Жаңай, «Заман» тобы, Нұржан Шөкенов, Мақпал Исабекова, Ермек Меденов, Бибігүл Қилымхан, Әсет Есжан, Айсауле Қайырғазина, Ұлжан Ағлақова, Нариман Әбдірахманов, Азат Дулатұлы, Құралай Өтепова, Ерсейіт Әлиев т.б. «Алатау» ансамблінің сүйемелдеуімен орындайды.
Уақыт тауып, келген көрермен өкінбейді. Біз сіздерді сағына күтеміз!
P.S. Мемлекет қаржысынан бір тиын да жұмсалмайды, – деп жазды айтыскер ақын.
