фото: Жамбыл облысының Төтенше жағдайлар департаменті
«ҚазАвтоЖолдың» хабарлауынша, сағат 10:45 шамасында автоколоннаны алып жүру кезінде Алматы-Ташкент тас жолының 567-ші шақырымында 15-20-ға жуық көліктің қатысуымен ірі жол-көлік оқиғасы болды (нақты саны анықталып жатыр).
Сәл бұрын бұл көліктердің өтуіне мүмкіндік беру үшін тас жол бөлігіндегі қозғалыс шектеулері уақытша алынып тасталды.
Оқиға салдарынан 19 адам, сондай-ақ бір бала әртүрлі дене жарақаттарымен Б.Момышұлы ауылындағы аудандық ауруханаға жеткізілді.
«Төтенше жағдайлар қызметі қысылып қалған адамдарды шығару үшін құтқару жұмыстарын жүргізіп жатыр. Зардап шеккендер жоқ. Оқиға орнында жедел медициналық жәрдем және жол қызметі жұмыс істеп жатыр. Нұрлыкент ауылындағы «Мәдениет үйі» жылыту пунктіне 39 адам жеткізілді, оның сегізі бала», деп хабарлады Жамбыл облысы Төтенше жағдайлар департаменті.
