Іс-шараны Абай атындағы мәдени-демалыс кешені және Қазақстан Суретшілер одағы Маңғыстау облыстық филиалы ұйымдастырды. Суретшілер симпозиумына Ақтау қаласындағы Иран елінің бас консулы Ғоламреза Хашеми, Түркияның бас консулы Сабри Алыптекин, Түрікменстан консулдығының атташесі Рахат Аннаназаров және Ақтау қалалық мәдениет, денешынықтыру және спорт бөлімінің басшысы Амантай Құмбаев қатысты.
Суретшілер симпозиумында 29 суретшінің туындылары көрсетілді. Іс-шара барысында қалалық мәдениет, денешынықтыру және спорт бөлімінің басшысы А.Құмбаев симпозиум қатысушыларына алғысхаттар мен дипломдар табыстады.
«Қаңтар айының басында өңір суретшілері арасында симпозиум өткен болатын. Сол симпозиумның қорытындысы ретінде суретшілер көрмесі ұйымдастырылды. Келесі суретшілер көрмесін наурыз айында өткізу жоспарланып отыр», деді Ақтау қалалық мәдениет, денешынықтыру және спорт бөлімінің басшысы А.Құмбаев.
Маңғыстау облысы
