Фото: zakon.kz
Жерлесіміз бұған дейін дәл осындай деңгейге жеткен жоқ еді. Оның ең үздік көрсеткіші – былтыр жазда 25-орынды еншілегені. Жуырда ғана Қазақстанның азаматтығын алған Александр Шевченко Франциядағы жарыстың ширек финалына дейін жетіп, Бубликке есе жіберді. Сол межеге жеткені үшін ол үш сатыға жоғарылап, 56-орынға тұрақтады. Ал көш басында айтарлықтай өзгеріс жоқ. ТОП-10-дықтың қатарында сербиялық Новак Джокович (Сербия), Карлос Алькарас (Испания), Даниил Медведев (Ресей), Янник Синнер (Италия), Андрей Рублев (Ресей), Александр Зверев (Германия), Хольгер Руне (Дания), Хуберт Хуркач (Польша), Тейлор Фриц (АҚШ) және Стефанос Циципас (Грекия) сынды марқасқалар бар.
WTA рейтингінде үздіктер санатына Ига Швентек (Польша), Арина Соболенко (Беларусь), Кори Гауфф (АҚШ), Джессика Пегула (АҚШ), Елена Рыбакина (Қазақстан), Онс Жабер (Мысыр), Кинвен Чжен (Қытай), Маркета Вондроушова (Чехия), Мария Сакари (Грекия) және Каролина Мухова (Чехия) еніп отыр. Еліміздің екінші ракеткасы Юлия Путинцева 69-сатыға табан тіреді.
