Дәріске университеттің журналистика және дінтану мамандықтарында білім алып жатқан студенттер қатысты. Конфессияаралық және өркениетаралық диалогті дамыту жөніндегі Н.Назарбаев орталығының басқарма төрағасы Болат Сәрсенбаев студенттерді, магистранттарды және педагогикалық ұжымды бейбіт өмір сүрудің, толерантты қоғам құрудың және конфессияаралық диалогтің қазақстандық үлгісімен таныстырды. Сондай-ақ Әлемдік және дәстүрлі діндер көшбасшыларының VII съезінің қорытындылары және тұжырымдаманың бейбітшілік идеяларын ілгерілетудегі ерекше рөлі талқыланды.
«Даму тұжырымдамасы Президент Қ.Тоқаевтың бастамасымен съездің жаһандық қоғамдастықта дінаралық диалог алаңын нығайту мақсатында әзірленді. Бұл – білім беру мекемесі мен жалпы сала үшін тұжырымдама және оның мәдениет, дін, өркениеттер диалогін дамытудағы маңызы туралы толық ақпарат алудың бірегей мүмкіндігі», деп атап өтті ол.
Н.Назарбаев орталығы еліміздің жетекші оқу орындары – Әл-Фараби атындағы ҚазҰУ, Назарбаев университет, М.С.Нәрікбаев атындағы KAZGUU, «Нұр-Мүбарак» Египет ислам мәдениеті университеті базасында съездің даму тұжырымдамасын, оның негізгі жолдауларын түсіндіру бойынша дәрістер топтамасын жоспарлағанын атап өткен жөн. Айта кетсек, бұл құжат съезді 2033 жылға дейінгі одан әрі дамытудың жалпы көзқарасын, миссиясын, мақсаттары мен бағыттарын айқындайды. Оны 2023 жылғы қазанда Астанада өткен ХХІ Съезд Хатшылығына қатысушылар қабылдады.
Съездің алдағы онжылдықтағы дамуының жаңа парадигмасының бөлігі ретінде форум миссиясы – әлемдік және дәстүрлі діндер қауымдастығы арасындағы өзара түсіністік пен құрметті одан әрі нығайту, сондай-ақ қауіпсіз және гүлденген болашақ үшін рухани дипломатияның әлеуетін іске асыру. Съезд халықаралық ұйымдардың, үкіметтердің, үкіметтік емес ұйымдардың және ғылыми құрылымдардың өкілдері үшін ашық діни көшбасшылар арасындағы диалог пен ынтымақтастықтың жаһандық алаңы ретінде дамиды.
