Әр мемлекеттің әлеуметтік-экономикалық жағдайын ілгерілетуші фактор көп. Соның бірі – білікті кадр. Әсіресе мемлекеттің кез келген саласы жасанды интелектіге, цифрлануға басымдық берілген тұста маманның ширақтығы маңызды. Бұл ретте жастардың рөлі ерекше. Себебі олар заманауи білім ала отырып, қатардан қалыс қалмау үшін біліктілігін күннен-күнге шыңдап отыратын буын. Осы орайда жасанды интеллектіні тәжірибеде қолданып, оң нәтижесін көрсетіп жатқан азаматтар бар. Жастар қанаты да өз іс-шара, жобаларын озық технологиялардың көмегіне жүгініп, азаматтарға қолжетімді әрі ыңғайлы форматта жеткізіп жүр. Жасанды интеллект арқылы студенттердің, жас мамандардың қызықты идеяларын одан әрі дамытуға, уақытты тиімді пайдалануға ықпал етіп келеді.
Мәселен, жастарды жұмыспен қамтуға бағытталған «Жастарға жұмыс» жобасы аясында өткен жәрмеңкеде жасанды интеллекті, «ChatGPT»-ға жүгіндік. Жәрмеңке барысында жұмыс іздеген азаматтар өз түйіндемелерін ЖИ арқылы толтырды. Бұл уақытты тиімді пайдалану мен қажетсіз дүниелерге көңіл аударудан шектейді.
Қазір әлем өркениеттің жаңа сатысына қадам басты. Елімізде болып жатқан саяси өзгерістер – жастарға оң ықпалын тигізеріне сенімдіміз. Мемлекетпен қатар, біз де жасампаз прогресстерге қадам басуға, рухтастар тарапынан жемісті жұмыс істеуге дайынбыз.
Ақерке ЕСКЕНДІРОВА,
«Жастар рухы» жастар қанаты төрағасының міндетін атқарушы
