Фото: kk.rayhaber.com
Есту қабілеті нашар спортшылар арасындағы жарыста 36 мемлекеттен келген
1 мыңға жуық үміткер бақ сынап жатыр. Олар тау шаңғысы, сноуборд, шаңғы, шахмат, футзал және керлингтен сайысқа түсіп, 34 медальдар жиынтығын сарапқа салып жатыр. Анадолы еліне Қазақстанның 26 өрені аттанды. Дүбірлі доданың ашылу салтанатында Қазақстанның туын шахматтан әлем чемпионатының қола жүлдегері Сұлтан Қожахметов ұстап шықты. Бұл жарыс 12 наурызда өз мәресіне жетеді.
– Түркиядағы додаға біз барынша даярландық. Алты бірдей республикалық деңгейдегі жарыстар өткізіп, тоғыз оқу-жаттығу жиынын ұйымдастырдық. Осының барлығы аталған осы ойындарда өзінің оңды нәтижесін береді деп ойлаймын, – дейді Дене мүмкіндіктері шектеулі тұлғаларға арналған спорттық даярлау орталығының басшысы Ержан Естаев.
