Кения мемлекетінің астанасы Найроби қаласында өткен БҰҰ Қоршаған орта жөніндегі ассамблеясының VІ сессиясы барысында Қазақстанның Шанхай ынтымақтастық ұйымындағы төрағалығымен ШЫҰ-БҰҰ жоғары деңгейдегі «Бір планета, бір болашақ: экологиялық тұрақтылық үшін күштерді біріктіру» арнайы іс-шарасы ұйымдастырылды.
Іс-шараға ШЫҰ-ға мүше мемлекеттердің қоршаған ортаны қорғау мәселелеріне жауапты министрліктері мен ведомстволары басшылары қатысып, жаһандық экологиялық және климаттық проблемалар және оларды ШЫҰ мен БҰҰ әлеуетін пайдалана отырып шешу жолдары туралы пікір алмасты. Іс-шараның қорытындысында ынтымақтастықты орнату мақсатында ШЫҰ Бас хатшысы Чжан Мин және БҰҰ Қоршаған ортаны қорғау бағдарламасының атқарушы директоры Ингер Андерсен ШЫҰ мен ЮНЕП хатшылықтары арасында өзара түсіністік туралы меморандумға қол қойылды. Құжат биологиялық әртүрлілікті сақтау, табиғи апаттармен күресу, климаттың өзгеруіне бейімделу, ғылыми-техникалық ынтымақтастық, қоршаған ортаның ластануын азайту, тұрақты дамуға жәрдемдесу және экологиялық туризмді ілгерілету мәселелерінде екі ұйым арасындағы ынтымақтастықты дамытуды көздейді.
Іс-шара Қазақстан жариялаған «2024 жыл – ШЫҰ экология жылы» бастамасы аясында өтті.
