Фото:sports.kz
Аталған жарыста үш бірдей титулдық бәсекелер өтеді. Атап айтсақ, кештің басты жекпе-жегінде жерлесіміз Фаниль «Ноғай» Рафиков (22-7) пен әзербайжандық Нариман «Байрақтар» Аббасов (29-5) айқасады. Екеуінің де тәжірибелері әбден толысқан сақа спортшылар. Сәбит Жүсіпов (16-3) жартылай жеңіл салмақтағы Fight Nights нұсқасының чемпиондық атағын қорғап қалу үшін Каспий теңізінің арғы жағалауынан келген тағы бір файтер Магеррама Гасанзадемен (9-1) күш сынасады.
Ал Naiza промоушені алтын белбеуінің иегері дағыстандық Рамазан «Горец» Гасанов (10-0) пен отандасымыз Самандар «Астаналық гангстер» Рузматов (6-0) арасындағы айқаста анықталады.
