Жерлесіміз жергілікті ойыншы Дутра Да Сильвамен бірге барлық қарсыласын сыпыра ұтып, финалда Луис Бритто мен Сарайва Дос Сантосқа (Бразилия) сан соқтырды. Есеп – 6:3, 6:4. АҚШ-тың Финикс қаласында тағы бір турнирдің тұсауы кесілді. Іріктеу сынының екінші кезеңінде Бейбіт Жұқаев чехиялық Вит Корпивенің осал тұсын таба алмады. Енді қандасымыз жұптық жарыста бақ сынап көрмек. Жұқаев пен оңтүстіккореялық Сон Чан Хонг 1/8 финалда Митчелл Крюгер/Денис Кудламен (АҚШ) күш сынасады.
Мажарстанның Секешфехервар қаласында «Челленджер» санатындағы турнирдің шымылдығы түрілді. Бұл жарыстың тұсаукесер кездесуінде Тимофей Скатов италиялық Андреа Пеллегриноға жол берді – 7:6, 2:6, 4:6.
