Фото: qazaqstan.tv
23 жастағы Каллум 2021 жылдың соңында кәсіпқой рингтегі тұсаукесер кездесуін өткізді. Сол аралықта тоғыз рет рингке шығып, барлығында жеңіске жетті. Жеті бәсекені мерзімінен бұрын аяқтады. Былтыр ғана төрт жекпе-жек өткізген Уолш америкалық Уэсли Такер, Карсон Джонс, Исмаэль Вильярреал және аргентиналық Хуан Хосе Веласоны ұтты. Атақты бапкер Фредди Роучтің қол астында жаттығатын Ирландияның боксшысы қазіргі кезде бірінші орта салмақтағы WBC USA Silver нұсқасының чемпиондық атағын иеленген.
Ал Олимпиада мен әлем чемпионы, Азия ойындарының екі дүркін жеңімпазы Данияр Елеусіновтің туған ағасы Дәуреннің де әуесқойлар арасында қол жеткізген табысы бір төбе. Кәсіпқой рингте 15 мәрте айқасқан ол 11 рет басымдық танытып, 10 қарсыласын нокаутқа жіберді. Үш рет ұтылып, тағы бір бәсекеде тең есеп тіркелді. Уолш пен Елеусінов арасындағы жекпе-жекте WBC Continental Americas нұсқасының алтын белбеуі сарапқа салынады.
