Мюнхенде жергілікті «Бавария» Италияның «Лациосының» қақпасына жауапсыз үш доп соқты – 3:0. Сан-Себастьянда «Реал Сосьедад» Париждің ПСЖ-сына есе жіберді – 1:2. «Манчестер Сити» өз алаңында Данияның «Копенгагенін» қапы қалдырды – 3:1. «Сантьяго Бернабеуде» Мадридтің «Реалы» мен Германияның «Лейпцигі» тең тарасты – 1:1. Осы нәтиже корольдік клубқа келесі кезеңге шығуға жеткілікті болды.
Осы аптада «Барселона» Италияның «Наполи» клубын 3:1 есебімен еңсерді. «Арсенал» мен «Порту» арасындағы матчтың жеңімпазы пенальти соғу барысында анықталды. Сұрмергендер сайысында ағылшындардың асығы алшысынан түсті – 4:2. Дәл сондай жағдай Мадридте орын алды. «Атлетико» «Интерді» пенальтиден жеңді – 3:2. Дортмундтық «Боруссия» «ПСВ Эйндховенді» ұтты – 2:0.
