arbatmedia.kz
Аталған жарыста 249,5 ұпай жиған Данил Васильев алдына жан салмай, бас жүлдені олжалады. Германиялық Мартин Хаманн (274,5 ұпай) күміс медальды иеленсе, Ульрих Волгенант (246,5 ұпай) қолаға қол созды. Қазіргі кезде барша Қазақстанның жанкүйелері Данилдің жеңісіне қуанып отыр. Себебі осы күнге дейін еліміздің бірде-бір спортшысы FIS кубогінде жеңіс тұғырының ең биік сатысына көтерілген емес.
19 жастағы алматылық трамплиннен секіруші бұған дейін де бірқатар халықаралық жарыста жүлде алып, көпшілік назарын өзіне аударған. Солардың арасындағы ең ірісі – Дүниежүзілік Универиададағы алтыны. Былтыр Васильев АҚШ-тың Лейк-Плэсид қаласында алауы тұтанған студенттердің сайысында дара шықты.
