Туризм • 23 Наурыз, 2024

Түркістаннан Самарқанға тікелей әуе рейсі ашылды

111 рет
көрсетілді
1 мин
оқу үшін

Орталық Азия елдері арасындағы туризм ынтымақтастығын жандандыру мақсатында Түркістан-Самарқан бағытында алғашқы халықаралық әуе рейсі ашылды, деп хабарлайды Egemen.kz.

Түркістаннан Самарқанға тікелей әуе рейсі ашылды

Qazaq air әуекомпаниясына тиесілі ұшақпен Түркістаннан аттанған 80-ге жуық саяхатшыны самарқандықтар ерекше салтанатпен қарсы алды.

Рейстер заманауи, жайлы De-Havilland Dash 8-Q400 әуе лайнерлерімен аптасына 2 рет, жұма және жексенбі күндері орындалады. Түркістан қаласынан жергілікті уақыт бойынша 20:20-да, ал Самарқаннан 21:20-да ұшады.

«Бірегей туристік ресурстарға ие Орталық Азия өңірі туризм саласын қарқынды дамытып келеді. Бұл тұрғыда екі ел арасында тәжірибе алмасу, туризм бағытында бірлескен жобаларды жүзеге асыру жоспарланып отыр», - делінген Түркістан өңірлік коммуникация қызметі таратқан ақпаратта.