Қоғам • 29 Наурыз, 2024

Өңірлерде су тасқынына қарсы іс-шаралар жалғасып жатыр

107 рет
көрсетілді
1 мин
оқу үшін

Су тасқыны кезеңі басталғаннан бері Түркістан, Ақтөбе, Қостанай, Батыс Қазақстан, Ұлытау, Абай, Ақмола облыстарында 4 694 адам, оның ішінде 1 682 бала құтқарылды. Бұл ретте әуе кемелерімен 447 адам, оның ішінде 180 бала эвакуацияланды. Бұл туралы Төтенше жағдай министрлігінің баспасөз қызметі жариялады, деп хабарлайды Egemen.kz.

Өңірлерде су тасқынына қарсы іс-шаралар жалғасып жатыр

Фото: ҚР ТЖМ

ТЖМ және әкімдіктердің күшімен 2,3 млн м3 астам еріген су алынған, 162 мыңнан астам қапшық және 31 587 тонна инертті материал төселген.

ҚР ТЖМ

Авариялық-құтқару жұмыстарына 6349 адам, 2192 бірлік техника, 689 бірлік су айдау құралы және 55 бірлік жүзу құралы, ТЖМ, Қорғаныс министрлігі, ІІМ, ҰҚК, ҰҰ, жергілікті атқарушы органдардың 12 әуе кемесі жұмылдырылған. 

«Жедел желі» телефондарына 392 қоңырау келіп түсті, еліміздің 12 өңірінде республикалық және облыстық жедел штабтар жұмыс істейді.

Еліміздің 7 өңірінде 435 жеке тұрғын үй мен 329 аула аумағы, сондай-ақ Ақтөбе облысында 75 саяжай үйі мен 9 ғимарат, көпқабатты тұрғын үйлердің 12 ауласы, Ақмола облысында балабақша мен ТЖ ауруханасы су астында қалып отыр.

18 автожолды су шайып кеткен, оның ішінде 4 көпір және 14 жол төсемі бар. 26 елді мекенде көлік қатынасы жоқ.

Соңғы жаңалықтар