Дәрігерлер қатарында травматолог, терапевт, эндокринолог, уролог, хирург мамандары бар. Су тасқынынан зардап шеккендер невропатолог, реаниматолог және психологтың көмегіне жүгіне алады. Медициналық мекеме 140 төсек-орынға есептелген, бірақ жағдайға байланысты олардың саны 300 бірлікке дейін артатын болады.
«Жағдайға байланысты қосымша төсек-орын қарастырылған және Боранқұл ауылдық ауруханасында да 30 төсек-орын бар. Олардың саны 100 төсекке дейін артатын болады. Бейнеу аудандық ауруханасының штат саны 122 адамды құраса, Боранқұл ауылында - 8 адамды құрайды», деді Бейнеу аудандық орталық ауруханасының бас дәрігері Берік Абдуллаев.
Сондай-ақ дәрігер екі аурухана да дәрі-дәрмектің қажетті көлемімен қамтамасыз етілгенін, медициналық препараттардың тапшылығы байқалмайтынын айтты.
