Фото: Павлодар облысы әкімдігінің баспасөз қызметі
Естеріңізге сала кетейік, қардың еруі мен жауын-шашынның, сондай-ақ екпіні секундына 25 метрге жететін желдің салдарынан еріген су далалық аймақтан ауылға асып, ойпатта орналасқан 14 тұрғын үйді су басты.
Ауылдың ойпатты жерлерінде орналасқан үйлерді су басу мәселесін шешу үшін облыстық жедел штаб 200 000 текше метр суды құрайтын 3 жаңа шұңқыр салу туралы шешім қабылдады. Бұл келешекте ауылды су басу қаупі мәселесін кешенді түрде шешуге мүмкіндік береді.
Ауылда төтенше жағдай жарияланған күннен бастап 12 бірлік техниканы пайдаланып, шұңқырлар салу жұмыстары тәулік бойы жүргізілді. Тұрғын үйлерді су басу қаупі толығымен жойылып, жағдай тұрақталды.
Су тасқыны кезінде үйлері зардап шеккен барлық ауыл тұрғындарына жан-жақты көмек көрсетіліп жатыр. Арнайы комиссия келтірілген шығынды есептеп отыр, қорытындысы осы жылдың 10 сәуіріне дейін белгілі болады. Нәтижесінде зардап шеккен үй иелеріне бюджеттен тыс қаражат есебінен өтемақы төленеді.
Қырмызы ЖҰМАҒАЛИҚЫЗЫ,
ЕҰУ студенті
