Құрметті отандастар!

Қазақстан халқы Ассам­б­лея­сы баршаңызды жаңа 2015 жылмен құттықтайды! Сіздерге бейбітшілік пен береке, болымды істер мен толым­ды табыстар тілейміз. Әрқа­шан аспанымыз ашық, елімізде ырыс пен ынтымақ, «қой үстіне бозторғай жұмыртқалаған» мамыра-жай заман болсын. Жаңа жылда әрбір шаңыраққа бақыт пен молшылық тілейміз! Келе жатқан Жаңа жыл – еліміз үшін шын мәнінде ерекше жыл. Елбасымыздың бастама­сымен алдымыздағы жыл Қазақстан халқы Ассамб­леясы жылы деп жарияланды. Оның мақсаты – отандастарымыздың жарқын келешегінің, балаларымыз бен немерелеріміздің шат күлкісінің кепілі болып отырған еліміздегі толеранттылық пен қоғамдық келісімді жалпақ әлемге паш ету. 2015 жыл біздің Отанымыз үшін тарихи бе­лес­терімізді атап өту жылы болмақ. Біздің тарихымыз – бұл бірліктің қайнар көзі! Өткенімізді бағалай отырып қана келешегімізді болжай аламыз. Біз Қазақстан халқы Ассамблеясы жылын, Қазақ хандығының 550 жылдығын, Қазақстан Республикасы Конституциясының 20 жылдығын, Жеңістің 70 жылдығын, Ш.Уәлихановтың 180 жылдығын, Абай Құнанбаевтың 170 жылдығын атап өткелі отырмыз. Бұл оқиғалар – еліміздің тарихында түбегейлі бетбұрыс жасаған жасампаз кезеңдер. Бұл тек тарихи қазынамыз ғана емес, елдік рухымыздың бастауы, бірлігіміздің негізі, мемлекеттілігіміздің айғағы. Қазақстан халқы Ассамблеясы жылы – бұл бірлік жылы, Нұрсұлтан Назарбаевтың барша әлем мойын­даған Этносаралық толеранттылық пен қоғам­дық келісімнің қазақстандық моделінің жалпы­халықтық салтанат құру жылы. Келе жатқан Жаңа жыл жаңа биіктер мен бел­естерге жеткізсін! Ортақ құндылықтарымызды бірге іске асыра отырып, біз Отанымыздың Тәуелсіздігі мен тұрақ­ты­лығын нығайту жолындағы ұлы істерді жалғас­тыра аламыз! Жаңа жылда бақыт, табыс тілейміз! Ізгі ниетпен, Қазақстан халқы Ассамблеясы.