Кел, Жаңа жыл!

Шырайы мен шыршасын сағынатын, Жыр жазып тосып отыр тағы да ақын. Жаңа жылым есіктен жатсынбай кір, Қонағымсың басыңды хан ұғатын. Мамық қар... Аппақ шамдар... қандай сұлу, Сондықтан ба, жақынсың жаныма тым!   Ілесіп күлкілерге жарқылдаған, Қандай сезім мұндайда шарқ ұрмаған?! Жаңа жылым көшін көр Нұрлы Жолдың, Жер тыныш, малым түгел, халқым да аман! Жаңа жылым ақ жарқын пейілмен кел, Ақ жүрек ақындардай алтын қалам!   Аман менің көлім де, қамысым да, Арқар елең қағады тағы шыңда. Жаңа айыма жас келін сәлем салды, Инабат танытқандай абысынға. Жаңа жылым, атымтай мінезбен кел, Мол болсын қазынам да, табысым да!   Қалам да, аман менің ауылым да, Азаттықтың балқиды бауырында Қарсы алады батагөй қариялар, Ыстық құшақ жаяды бауырым да, Кел, Жаңа жыл, жайдары қабағыңмен Таусылмасын думаным, сауығым да! Ибрайым НҰРҒАЛИ, А.Иманов атындағы жалпы орта мектептің директоры. Оңтүстік Қазақстан облысы, Шардара қаласы.