Гидропоника

Атыраудағы цехта осындай әдіспен жемдік өсімдік өсіріледі Махамбет ауданындағы «Первомайский» серіктестігі гидропоника әдісімен жемдік өсімдік өсіретін жаңа цехты іске қосты. Цехта бес адам жұмысқа тартылған. Серіктестік директоры Есболат Есқараевтың айтуынша, гидропоника –өсімдікті топырақсыз өсірудің бірден-бір оңтайлы тәсілі. Бұл әдіс шаруашылықта 1993 жылдан бері қолданылады. Осы әдістің арқасында арпа бір күнде көктеп, алтыншы күні одан дайын өнім алынады. Мәселен, 1700 тонна құрғақ арпадан 10 тонна жасыл балауса алуға болады. Бұл өнім мүйізді ірі қарадан сүт өндіруді 30 пайызға дейін арт­тырады. Испандық технология орна­тылған жаңа цехта өсірілген жем­дік өсімдіктің өзіндік құны арзан. Мәселен, арпадан алынған жемдік өсімдіктің бір келісі –14 тең­ге. Цех­та жемдік өсімдікті өсіру үшін күні­не 20 тонна су, сағаты­на 130 кВт электр энергиясы жұмсалады. Жолдасбек ШӨПЕҒҰЛ, «Егемен Қазақстан». Атырау облысы, Махамбет ауданы.