Рождествомен құттықтады

Қазақстан Республикасының Президенті Н.Ә.Назарбаев православиелік христиандар мен барша қазақстандықтарды Рождество мерекесімен құттықтады, деп хабарлады Президенттің баспасөз қызметі. Қымбатты отандастар! Православие христиандарын және күллі қазақстандықтарды жарқын да ізгі мереке – Рождество мейрамымен құттықтаймын! Екі мың жыл бойы Рождество мерекесі діндарлардың жүре­гіне қуаныш пен үміт ұяла­тып, қайырымдылық пен әділ­дікке, мейірімділік пен кеші­рім­ділікке сенудің нышаны болып келеді. Бұл – ізгі ниеттер мен қайырымды істердің, кө­мекке мұқтаж адамдарға қам­қорлықтың уақыты. Осылай дей келіп, Елба­сы біздің заманымызда пра­вос­лавиеліктер қауымы өз­дері­нің ғибадат ету дәстүрін жал­ғастырып келе жатқанын атап көрсетеді. Ол адамдардың діни сеніміне, руханият қайнарынан сусындауына көмектесіп, моральдық ұстанымдары мен дәстүрлі отба­сылық құн­ды­лықтарын нығай­туда, дейді Пре­зидент өзінің құттық­тауында. Православие христиандары елі­міз­дегі конфессияаралық келі­сімді, қоғамдық тұрақтылық пен татулықты сақтауға сүбелі үлес қосып келеді. Елбасы құттықтауының соң­ында қазақстандықтардың діни нанымдары мен этностық шығу тектеріне қарамастан, қуа­ныштарын бір-бірімен бөлі­сетініне тоқталып өтеді. Осы жарқын мерекеде барша дін­дар­ларға денсаулық, рухани күш, игі бастамаларына сәттілік тілейді. Шаңырақтарыңыздан шаттық, татулық пен молшылық кетпесін, деп аяқтайды Қазақстан Республикасының Президенті өзінің құттықтауын.