Ақмолада 351 адам жұмыспен қамту бағдарламасына қатысты

КӨКШЕТАУ. 7 қаңтар. Ақмола облысында «Жұмыспен қамтудың жол картасы-2020» бағдарламасын іске асыру бойынша жыл қорытындысына арналған салтанатты шара өтті. Бұл туралы egemen.kz тілшісі хабарлады. Мемлекеттік бағдарламаны іске асыруда жемісті ынтымақтастығы үшін жеке кәсіпкерлер мен қаланың еңбек ұйымдарына алғыс хаттар берілді. Қазіргі таңда Көкшетау қаласының Жұмыспен қамту орталықтары тарапынан «Жұмыспен қамтудың жол картасы-2020» бағдарламасының үш бағыты бойынша белгіленген жоспармен 100 пайыз жұмыс атқарылған. Бағдарламаға жалпы саны 351 адам қатысты. «Инфрақұрылым мен тұрғын үй-коммуналдық шаруашылығын дамыту есебінен жұмыспен қамту» бағыты аясында 7 жоба іске асырылды. Оған өзін-өзі жұмыспен қамтушылар арасынан18 адам қатысқан. Екінші бағыт «Кәсіпкерлік пен тірек ауылдарды дамыту арқылы жұмыспен қамту» бойынша 10 адам «Кәсіпкерлік негіздерін» оқып шықты. Республикалық бюджеттен шағын несиелендіруге 2014 жылы 25 миллион теңге бөлінген. Үшінші бағыт «Жұмыс беруші қажеттігі аясында оқыту мен қоныстандыру арқылы жұмыспен қамту» бойынша 82 адам кәсіптік оқуға бағытталып, 116 адам жастар тағылымдамасында белсенділік танытты. Бақберген Амалбек. Дерек: egemen.kz. Сурет: egemen.kz.