Қазақстандағы газ саласының көшбасшысы «QazaqGaz» ұлттық компаниясы мен оның барлық еншілес тәуелді компаниялары да осы мақсатты берік ұстанады. Компания басшылары өндірістік нысандарында апатсыз қызметті қамтамасыз ету, жұмысшыларға қауіпсіз еңбек жағдайын жасау, өндірістегі жазатайым оқиғалар мен кәсіптік аурулардың алдын алу үшін барлық жауапкершілікті толық сезінеді. Бұл ретте зиянды және қауіпті өндірістік факторлардың жұмысшыларға әсер ету деңгейін төмендетуге, кәсіби тәуекелдер деңгейіне зор мән беріледі.
«Интергаз Орталық Азия» компаниясында басшылар мен желілік персоналдар арасында қауіпсіздік мәдениетінің деңгейін арттыру бойынша іс-шаралар жүйелі түрде жүргізіледі. Ал еңбекті қорғау саласындағы заңнама талаптарын сақтау – кәсіпорын қызметін басқарудың жалпы жүйесінің маңызды және ажырамас бөлігі, сонымен қатар тұрақтылықтың, экономикалық жағдайдың жақсаруы мен барлық қызметкердің әл-ауқатының кепілі.
2024 жылға арналған Өнеркәсіптік қауіпсіздік жөніндегі іс-шаралар жоспарын жүзеге асыру мақсатында құрамына «Интергаз Орталық Азия» АҚ кіретін «QazaqGaz» ҰК» АҚ «Нөлдік жарақатқа 12 қадам» бастамасын іске асыруға бастапқы бағалау жүргізді. Өзін-өзі бағалау орталық аппаратта да, өндірістік филиалдарда да жүргізілді. Ал бұл – өз алдына бірде-бір жұмыскердің жұмыс орнында зардап шекпеуіне бағытталған маңызды қадам.
Өнеркәсіптік қауіпсіздікті қамтамасыз етуге жауапты жұмысшылардың біліктілігін арттыруға көп көңіл бөлінеді. Өйткені бұл – компанияның негізгі тірегі мен басымдықтарының бірі. Оның құны адам өмірі мен денсаулығына татитын болса, ешқандай жетістік немесе табыс маңызды болмақ емес. Осының барлығын анық түсінген компания филиал директорлары, бас инженерлер және HSE тобының менеджерлері үшін «IOSH Қауіпсіздікті басқару» (IOSH Managing Safety) бағдарламасы бойынша оқыту курсын ұйымдастырды. Қазіргі уақытта бес филиал менеджері осы бағдарлама бойынша оқуды аяқтап, алған пайдалы білімін жұмыс процесіне енгізіп жатыр.
Жұмысшылардың денсаулығын сақтау да маңызды. Өздеріңіз білетіндей, ауруды емдеуден гөрі алдын алу оңай. Сондықтан медициналық қамтамасыз ету бағдарламасының алғашқы шаралары аурудың алдын алуға, ауруды ерте анықтауға және профилактикаға бағытталған. Бұл міндеттің орындалуын қамтамасыз ететін шаралардың бірі – мерзімді медициналық тексерулер. Биылдан бастап медициналық тексерулердің ауқымы кеңейтілді, кардиологтардың кеңестері мен диагностикалық зерттеулер енгізілді. Бұл бастапқы кезеңде жүрек-қан тамырлары ауруларының даму қаупін анықтауға мүмкіндік береді.
Сонымен қатар 2023 жылы енгізілген «Кездейсоқ скрининг» нәтижелері бойынша бірінші тоқсанда осы нозологиялық топқа байланысты аурулар мен өлім-жітім санын азайтуға бағытталған «Жүрек-қан тамырлары ауруларының алдын алу бағдарламасы» әзірленді. Сондай-ақ денсаулықты қорғау және еңбек гигиенасы, өндірістік санитария, қызметкерлердің денсаулығын жақсарту жөніндегі іс-шаралар жоспары әзірленді. Бұл жиі және ұзақ уақыт ауыратын жұмысшылардың санын азайтуға бағытталған. Аталған құралдардың барлығы қызметкерлердің денсаулығына қатысты мәселелерді уақтылы анықтауға, созылмалы аурулардың өршу жиілігін төмендетуге, сондай-ақ қажет болған жағдайда жедел медициналық көмек көрсетуге мүмкіндік береді.
Биыл компания өзінің өндіріс орындарында денсаулық мектептерін ашуды да жоспарлап отыр. Негізгі мақсат – қызметкерлерді саламатты өмір салты дағдыларына үйрету және олардың денсаулығына әсер ететін мәселелер бойынша құзыреттілігін арттыру.
«Интергаз Орталық Азия» АҚ-да жедел медициналық көмек көрсету жүйесі де жұмыс істейді. Жағдайды бағалау негізінде Компания аурулар мен жарақаттардың дамуындағы күрделі асқынулардың даму қаупін төмендету бойынша шаралар қабылдады: әрекет етудің әр кезеңінде қатаң уақыт ережелері қамтамасыз етіледі, қызметкерлер оқытылады және медициналық төтенше жағдай кезінде өзара әрекеттесу шаралары туралы хабарланады. Сонымен қатар әрбір бөлімшеге төтенше жағдай кезінде жедел медициналық көмек көрсетуге дайын, мамандандырылған орталықтарда оқудан өткен және тиісті сертификаты бар парамедик кіреді. Мұның барлығы бірігіп «Интергаз Орталық Азия» АҚ барлық нысандарындағы қауіпсіздіктің жоғары деңгейі туралы айтуға мүмкіндік береді.
