Таңғажайып «Bаtyr mall»!..

Облыс орталығында өмірі болмаған таңғажайып «Bаtyr mall» атты сауда-ойын-сауық орталығы ашылды. Қала тұр­ғын­дары бала-шағасын, ата-апалар немерелерін ертіп көңілді, қызықты демалуға мүм­кіндік туды. Сауда-ойын-сауық орта­лығының ашылуына облыс әкімі Қанат Бозымбаев та келді. Бүкіл қала тұрғындарына осындай ғажайып кешенді кәсіпкер Вячеслав Руфф жыл соңындағы мерекелерге тарту етті. Кәсіпкерге осы орталықты салу үшін «Бизнестің жол картасы-2020» бағдарламасы арқылы мемлекеттік қолдау көрсетілді. Жобаның жалпы құны – 1,5 млрд. теңге. Жалпы аумағы 30 мың шаршы метрді құрайды. Қазір сауда-ойын-сауық орталығының ашылуына қалалықтар көптеп келуде. Ал тынымсыз қызықтап келіп жатқан тұрғындарға барлық жағ­дайлар жасалған. Енді қала ішілік бағытта жүретін арнайы «Bаtyr mall» деген автобус­тар шығады. Сондай-ақ, жеке көлікпен келушілерге автотұрақ бар. Орталықтың бірінші, екінші қабаттарында сауда орындары орналасқан. Дәмді асхана қызметі дайын. Бірінші қабатта 4 кинозал соңғы үлгідегі технологиямен жаб­дық­талыпты. Боулинг залы орналасқан. Сондай-ақ, екінші қабатта «Викинг ленд» атты балалардың ойын алаңы, түр­лі аттракциондар қызмет көрсе­теді. Үлкенге де, кішіге де өз жасына сай ойын-сауықты, қы­зықты қызметтерді таңдай алады. Облыс кәсіпкерлік, сауда және туризм басқармасының басшысы Александр Бабенко­ның айтуынша, ойын-сауық нысанының құрылысына мемлекет тарапынан 85 миллион теңге субсидия берілген көріне­ді. Сондай-ақ, орталыққа қарай келетін 640 метрлік жолды қайта қалпына келтіруге қол­дау көрсетіліпті. Орталықта он­да­ған жаңа жұмыс орындары ашылды. Фарида БЫҚАЙ, «Егемен Қазақстан». ПАВЛОДАР.