Фото: Астана әкімдігі
Бүгін Сарыарқа ауданының әкімдігі елорда тұрғындары мен қонақтары үшін Отан қорғаушылар күніне орай мерекелік концерт ұйымдастырды.
«Отан қорғаушылар күнінде біз маңызды тарихи сәтті атап өтіп қана қоймай, өзімізге Отан алдындағы қасиетті міндетімізді еске саламыз. Бұл күн біздің еліміздің бостандығы мен тәуелсіздігін қорғай алған ата-бабаларымыздың ерлігін еске салады. Біз, әсіресе, жас ұрпақ, қазақстандықтардың ерлігі туралы естеліктерді сақтап, болашақ ұрпаққа аманат етуіміз керек. Бүгін осы мереке күні концерт ұйымдастырылды. Концертте полиция, ТЖД қызметкерлері және біздің ардагерлер өнер көрсетті», деді әкім аппаратының бас маманы Ерасыл Қайратов.
Жиналғандар алдында «Қамажай» би тобымен бірге «Әжелер Шаңырақ» этномәдени ансамблі өнер көрсетті. Концертте қазақ халқының «Бүлдүрген», «Сәулем-ай», «Дедім-ау» әндері шырқалды. Көрермендер «Смуглянка», «Катюша», «Ах, Самара-городок» және т.б. есті әндерді тыңдады.
Қазақстан халқы Ассамблеясының «Вайнах» шешен-ингуш этномәдени орталығының «Лезгинка» биін де тамашалады.
«Біздің ер адамдарды Отан қорғаушылар күнімен құттықтаймын! Оларға мемлекет үшін сенімді тірек болып, Отанына және антына адал болуын тілеймін», деді елорда тұрғыны Жамал Өскенбаева. 
