Аталған спорт және өнер мектебінің директоры Раушан Исламғалиева үстел теннисімен мектеп кезінен бері айналысып келеді. 2018-2020 жылдар аралығында Маңғыстау облысы бойынша Қазақстан үстел теннисі федерациясының төрайымының міндетін атқарушы болып жұмыс істеген.
«Мектеп кезінен бері үстел теннисімен айналысамын. Ол кезде үстел болмаса да, теннисті қабырғаға соғып ойнайтынмын. Басқа салада жұмыс істегенмен, қаладағы үстел теннисін дамытқым келді. Осы мақсатта «mustafa-rim» спорт және өнер мектебін аштым. Қала тұрғындары мен әуесқой теннисшілер арасында үстел теннисінен айына бір рет тегін Ақтау қалалық лига ойындарын бастадым, қала тұрғындарына арналған бірнеше жеңілдіктер бар», деді «mustafa-rim» спорт және өнер мектебінің директоры Раушан Исламғалиева.
Спорт және өнер мектебінде үстел теннисі, ұлттық би, заманауи және фитнес тобы бар. Қазіргі таңда үстел теннисіне 30 спортшы қатысады, 5 спортшы спорт шеберіне үміткер. Зейнеткерлер мен мемлекеттік қызметкерлер үшін де тегін ойындар қарастырылған.
Маңғыстау облысы
