Фото: gov.kz
12 маусымда Жетісу облысының «ШХЫО-Қорғас» кеден бекетінде кедендік және шекаралық бақылау жүргізу кезінде Қазақстан азаматының «FAW» маркалы көлік капотынан ақбөкеннің 112 мүйізі анықталды.
Қазіргі уақытта Қазақстан Республикасының заңнамасында көзделген іс жүргізу әрекеттері жүргізіліп жатыр.
Аталған әрекет үшін жауапкершілік ҚР ҚК-нің 339-1-бабы «Ақбөкенді заңсыз өндіру, жою, сол сияқты заңсыз өндірілген ақбөкенді немесе оның дериваттарын, оның ішінде мүйіздерін сатып алу, сақтау, өткізу, әкелу, әкету, жөнелту, тасымалдау» бойынша көзделген.
