Жастар • 29 Маусым, 2024

«Жетісуда» бас қосқан жастар

79 рет
көрсетілді
1 мин
оқу үшін

Астанада «Jastar talks» форматында жастармен кездесу өтті. «Жетісу» саябағында ұйымдастырылған іс-шараға журналист және халықаралық жаттықтырушы Махаббат Есен, «Астана жастары» еріктілері мен қала тұрғындары қатысты.

«Жетісуда» бас қосқан жастар

Фото: dknews.kz

Елордалық жастарға арнал­ған басқосуға Астана қаласы Жастар саясаты мәселелері басқармасы және «Астана жас­тары» жастар ресурстық орта­лығы ұйытқы болды.

«Бұл кездесу Журналистер күніне орай өтіп жатыр. Ха­лық­тың тіршілігінен, әлеу­меттік әл-ауқатынан, руханияты мен қоғам тынысынан хабар таратып, қалам сермеп жүргеніме, міне ­25 жыл толды. Әлі де білім-білігімді шың­дап келемін. Таяуда ғана Германияда әлемнің түкпір-­түк­пірінен келген журналистер­­мен тәжірибе алмастық. Кезде­­су­­де қазіргі журналистиканың ­әле­­­уеті мен медиадағы трендтерді, ақ­парат таратудағы зама­науи қа­ғидаттарды талқыладық. Әсі­ресе қатысушылармен жасанды интеллектінің мүмкіндік­тері туралы ой бөлістім», дейді Махаббат Есен.

2020 жылдан бері ұйымдас­тырылып келе жатқан «Jastar talks» жобасының басты мақсаты – түрлі саланың үздік өкілдерімен пікір алысып, тәжірибе алмасу. Спикер ретінде жастарды ынталандыру үшін елімізге танымал спортшылар, блогерлер, медиа тұлғалар және тағы басқалары шақырылады.

«Іс-шара танымдық емес, мотивациялық бағытта болды. Спикер өз мамандығының қыр-сырын түсіндірді. Жастар­дың болашақ жұмысы туралы түсінігі болуы және олардың қай жерде дамығысы келетінін алдын ала анықтау маңызды екені айтылды. Бұған дейін мен Мәжіліс депутатымен сая­си сала туралы әңгімелеген кез­десулерге қа­тыстым», дейді «Астана жастары» еріктісі Федор Ермоленко.