Фото: lada.kz
lada.kz мәліметінше, WhatsApp қолданушылары оқиғаның 14-ші шағын ауданда болғанын айтып хабарлама жолдаған. Ұрлықтан кейін ер адам ғимараттың жертөлесінде болып, қызметтік қаруымен өзіне оқ атқан.
Оқиға орнында жедел-тергеу тобы, дәрігерлер мен СОБР қызметкерлері жұмыс істеп, жертөлеге кіретін есікті қоршауға алған. Марқұмның 1981 жылы туған азамат екені анықталды.
Қалалық полиция департаментінің баспасөз қызметі оқиғаны растады.
«Ұрлық және өз-өзіне қол жұмсау фактісі бойынша Ақтау қаласының полиция басқармасы қылмыстық істі тіркеді. Қазіргі уақытта тергеу шаралары жүргізіліп жатыр», деп хабарлады департамент өкілдері.
Тергеу мүддесі үшін өзге де мәліметтер жария етілмейді.
