Ақпараттар ағыны

*Елімізде АИ-92 маркалы бензинді ішкі тұтыну көлемі 2,9 млн. тоннаны құрады. Энер­гетика министрлігінің дерек­теріне сүйенсек, өткен жылы Павлодар мұнай-химия­лық және Атырау, Шымкент мұнай өңдеу зауыттарында шамамен 1,9 млн. тонна АИ-92 маркалы бензин, 4,1 млн. тонна дизель отыны өндірілген. *Алматы облысында сүт фермасы іске қосылды. Оның ашылу рәсіміне аймақ басшысы Амандық Баталов қатысты. Қарасай ауданында орналасқан бұл өндіріс орны 750 бас ірі қара малын ұстауға шамаланған. Мұнда жылына 6 мың литр тауарлы сүт өндіру жоспарланып отыр. *Созақ ауданында мал бор­дақылау ісін кәсіпке айнал­ды­руға басымдық беріліп келеді. Оңтүстік Қазақстан облыстық әкімдігінің баспасөз қызметі хабарлағандай, былтыр ауданда 8,5 млрд. теңгенің ауылшаруашылық өнімдері нарыққа шығарылған. *Ақмолада 2014 жылы негізгі капиталға салынған инвес­тициялардың көлемі 181 141,6 млн. теңге болды. Облыстық статистика де­пар­та­ментінің баспасөз қыз­меті келтірген мәліметтерге қарағанда, бұл – өткен жылдың денгейінен 22,3 пайызға ар­тық. Айта кетейік, аймақта инвес­тициялық қаржылардың 20,4 пайызы өңдеу өнеркәсібіне бағытталған. *Батыс Қазақстанның бюд­жеті 118 млрд. теңгеге жет­ті. Облыстық қаржы бас­қар­ма­сының мәліметінше, мұның 113,3 млрд. теңгесі кіріс болып табылады. Сондай-ақ, республикалық бюджеттен өткен жылы 3,5 млрд. теңге займдық қаржы түсіп, ол мемлекеттік бағдарламаларды жүзеге асыруға және ауылдағы мамандарды әлеуметтік қол­дауға жұмсалды. *Былтыр Солтүстік Қазақ­станның кардиологиялық орталығында жүрекке 255 ота жасалды. Атап өту керек, кардиоорталық жыл сайын медициналық қондырғымен жаңартылып отырады. Өт­кен жылы бұл бағытқа рес­пуб­ликалық бюджеттен 29 млн. теңге және облыстық қазы­надан 52 млн. теңге қаралды. Хабарлар Үкімет, облыстық әкімдіктер сайттары мен «ҚазАқпарат» деректері бойынша дайындалды.