Еліміз бойынша сайлаушылардың 82,11 пайызы өз дауысын берді

АСТАНА. 26 сәуір. Орталық сайлау комиссиясының мүшесі Татьяна Охлопкова республикамыз бойынша сайлаушылардың 82,11 пайызы дауыс бергенін мәлім етті. Бұл туралы egemen.kz тілшіс хабарлады. Т.Охлопкова: «Президенттік сайлауда облыстардың, Астана және Алматы қалаларының сайлау комиссияларының ұсынған мәліметтеріне сәйкес, үстіміздегі жылдың 26 сәуіріндегі сағат 16.00-дегі жағдай бойынша тізімге енгізілген  сайлаушылардың 82,11 пайызы сайлау бюллетенін алды», – деді. Орталық сайлау комиссиясы мүшесінің айтуынша, Ақмола облысы бойынша – 85,72,  Ақтөбе облысы бойынша – 78,58, Алматы облысы бойынша – 84,95, Атырау облысы бойынша –  87,25, Шығыс Қазақстан облысы бойынша – 89,45, Жамбыл облысы бойынша – 86,04, Батыс Қазақстан облысы бойынша – 79,01, Қарағанды облысы бойынша – 84,73, Қызылорда облысы бойынша – 87,45, Қостанай облысы бойынша – 86,75, Маңғыстау облысы бойынша  – 76,15, Павлодар облысы бойынша – 82,75, Солтүстік Қазақстан облысы бойынша – 86,93, Оңтүстік Қазақстан облысы бойынша  – 87,30,  Астана қаласы бойынша – 70,61, ал Алматы қаласы бойынша 62,54 пайызды құраған. Жолдыбай Базар. Дерек: egemen.kz. Сурет: khabar.kz.