АҚТӨБЕ. 26 сәуір. Қазақстан Республикасы Президентінің кезектен тыс сайлауы Ақтөбе облысында белсенді өтуде. Бұл туралы egemen.kz тілшісі хабарлады.
№61 сайлау учаскесінде сағат 15:30-ға дейін тіркелген 2 130 сайлаушының 1 831-і дауыс беріп үлгерген. Ал №38 сайлау учаскесіндегі Ресейден келген ТМД миссиясының байқаушысы, Орынбор облысы үкіметінің вице-губернаторы, ішкі саясат бөлімі төрағасының орынбасары Олег Димов сайлаудың ұйымшылдықпен, таза және әділ өтіп жатқанын айтты.
Ол өз сөзінде облыстың экономикалық дамуына да оң баға берді.
Сонымен қатар, қалалық оқушылар сарайындағы №77 сайлау учаскесінде болған халықаралық байқаушы, Польшадан келген Адам Маршалек те сайлау туралы оң пікір білдірді.
Жалпы, облыс бойынша сағат 15:30-ға дейін сайлаушылардың 70,1 пайызы дауыс беріп үлгерген.
Сатыбалды Сәуірбай.
Дерек, сурет: egemen.kz.
